Napoli – “Ce stà sulo nu nomme ca fa rima cu pallone e ’o ssape tutt’ ’o munnoca è sulo Maradona!”. Inizia così uno struggente omaggio in rima del cantautore napoletano, Federico Salvatore dedicato a Diego Armando Maradona.
La dedica:
Pecchè p’ogni partita,
senza sapè ’a raggione,
’a poesia d’ ’a vita
l’ha scritta c’ ’o pallone!
L’ha scritta dint’ô core
’e ogni spettatore…
’e tutt’ ’e jucature…
’e tutt’ ’e ccriature!
L’ha scritta ncopp’ê mmura,
l’ha scritto nterr’â rena,
l’ha scritto int’ê pasture
’e San Gregorio Armeno!
L’ha scritto dint’ ê vvoce
ca se songo abbrucate,
pe ffarle arrivà ncielo
stu surdato nnammurato!
L’ha scritto pe ssette anne
stu figlio ’e tutt’ ’e mmamme,
cu ’a capa in Argentina
e ’o core a Margellina!
Pe vvuje sarrà nu riàvulo,
ma quanno nterra è sciso,
Napule cu stu riàvulo
è gghiuta n’Paraviso!
Sarrà contraddizione?
Ma è cchesta ’a verità,
Napule ’e Maradona
è orgoglio e dignità!
Pe chi l’ha miso n’croce,
nun restarrà memoria,
è fuoco ca ’unn’ abbrucia
’e ppaggine ’e sta storia!
E chi penza ca è muorto,
c’ ’o tiempo perde tiempo…
Diego vence cu ’a morte
ogge, dimane e sempe!
Stai navigando all'interno del nostro sito web archivio che comprende gli articoli dal 2017 a fine 2021.
Per le notizie in tempo reale ti invitiamo a visitare Anteprima24.it
![Pinterest](https://pinterest.com/pin/create/button/?url=https://www.anteprima24.it/archivio/napoli/maradona-poesia-federicosalvatore/&media=https://www.anteprima24.it/archivio/wp-content/uploads/2020/11/Federico-Salvatore-1200x900.jpg&description="Ce stà sulo nu nomme ca fa rima cu pallone e ’o ssape tutt’ ’o munnoca è sulo Maradona!"){kind=link}